Í Vatnaskógi er fjörugur hópur drengja sem áttu góðan dag í gær, þrátt fyrir rigninguna. Að öðru leyti er hæglátt veður og bátarnir hafa verið opnir. Eftir kaffi var auk þess í boði að hoppa í vatnið en margir drengjanna hafa beðið eftir því. Eftir kalt vatnið er gott að fara í heitu pottana við íþróttahúsið.
Margir drengjanna hafa einnig tekið þátt í knattspyrnu, körfuboltamóti, frjálsum íþróttum, borðtennis, þythokký og margvíslegum leikjum í íþróttahúsi, auk útileikja. Í Birkiskáli er svo hægt slaka á, lesa og spila.
Matseðilinn mánudaginn 13. Júlí
Morgunmatur – morgunkorn og hafragrautur
Hádegismatur – kjötbollur með meðlæti
Kaffi – heimabakaðar kökur
Kvöldmatur – grjónagrautur og heimabakað brauð
Kvöldkaffi – kex og mjólk
Í dag heldur áfram að rigna en dagskráin gengur sinn vanagang og drengirnir finna fram regnjakkana sína.
Myndir frá flokknum má finna hér – nýjar myndir bætast við seinna í dag.
Kv. Þráinn Haraldsson, forstöðumaður 7. flokki
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
