Í sumar verður í fyrsta sinn boðið upp á nýtt og breytt fyrirkomulag í sumarbúðunum okkar í Vatnaskógi undir nafninu Sumarstuð dagana 5.–8. júní næstkomandi. Þessi sumarbúðaflokkur kemur í stað sérstakra sumarbúða fyrir börn með ADHD og skyldar raskanir sem hafa verið í Vatnaskógi og Ölveri um árabil.
Sumarstuð er ætlað öllum börnum á aldrinum 10–12 ára og eru börn með ADHD sérstaklega velkomin. Markmið búðanna er að skapa öruggt, jákvætt og uppbyggilegt umhverfi þar sem hvert barn fær tækifæri til að njóta sín á eigin forsendum.
Ein af breytingunum í ár er að sérbúðir fyrir stráka og stelpur verða sameinaðar í einn hóp, fyrir öll kyn. Við teljum að það geti skapað fjölbreyttar félagslegar aðstæður þar sem lögð er áhersla á samvinnu, vináttu, virðingu og jákvæða upplifun allra barna.
Dagskráin byggir á:
Að búðunum kemur fagfólk með áratugareynslu af sumarbúðastarfi og vinnu með börnum og ungmennum, þar á meðal ADHD börnum. Mikil áhersla er lögð á:
Til að tryggja að öll börn fái gott rými og stuðning verður takmarkað pláss í flokknum. Skráning fer fram á sumarfjor.is
Ef einhverjar spurningar vakna eru foreldrar og forráðamenn hjartanlega velkomin að hafa samband við skrifstofuna.
Við hlökkum mikið til að taka á móti flottum hópi í Sumarstuð í sumar!
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
