Stelpurnar vöknuðu við fjöruga tónlist og dans hjá foringjum frammi á gangi, og þetta voru allskyns lög um það að vakna. Í hádegismat fengu þær grjónagraut og meðlæti, og héldum við síðan Ölversleika. Þar var keppt í cheerios talningu/giski, stígvélasparki, ljóðagerð, sippi og broskeppni. Síðan fengu þær bananabrauð og súkkulaðibitakökur í kaffitímanum. Eftir kaffi gerðum við náttúrualtari þar sem hver og ein fékk það verkefni að búa til listaverk úr því sem þær fundu í náttúrunni. Starfsfólkið hafði gert stóran kross úr greinum og það var grunnurinn að altarinu. Við héldum stund úti í litlulaut, stóðum allar í hringi við krossinn með listaverkin okkar og sungum við gítarleik. Ein í einu nefndu þær svo eitthvað eitt sem þær eru þakklátar fyrir og settu verkin sín á eða í kringum krossinn til að mynda fallegt náttúrualtari. Þær fengu tortillur í kvöldmat og héldu svo á kvöldvöku þar sem síðasta herbergið lék leikrit og leik fyrir hinar stelpurnar. Eftir það var bíókvöld uppi í sal og fengu þær popp og kósýlegheit.
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
