Stelpurnar vöknuðu frekar þreyttar í morgun, enda búin að vera pökkuð dagskrá hjá okkur hér í hlíðinni.
Eftir að morgunmaturinn kláraðist fórum við saman upp í Hallgrímskirkju og áttum þar kósý kveðjustund. Við sungum saman uppáhaldslögin okkar, rifjuðum upp skemmtilegar minningar, hlógum og skemmtum okkur saman.😀☺️
Stelpurnar fóru svo í ævintýragöngu í skóginum og enduðu á pokafossi í leikjum.
Svo fengu stelpurnar pulsu – namm namm! 🌭 Það sló heldur betur í gegn!
Við veittum alls konar viðurkenningar og svo fóru stelpurnar að pakka. Það gekk eins og í sögu – þetta eru svo flottar stelpur! ❤️
Núna eru þær úti að leika í sólinni og það er ótrúlega gaman að sjá hvað margar þeirra hafa eignast nýjar vinkonur. 🩷
Við foringjarnir viljum þakka ykkur kærlega fyrir traustið. Það hefur verið svo skemmtilegt að kynnast stelpunum ykkar og eiga þessa daga með þeim. ❤️
Við lendum á Holtaveginum um kl. 14:40. 🩷
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
