7. flokkur í Vatnaskógi – dagur 3

Það heldur áfram að rigna á okkur í Vatnaskógi. Þriðjudagurinn 14. júlí var því frekar blautur að veðrið gott að öðru leyti. Við minnum okkur á að enginn er verri þó hann vökni og þökkum fyrir að ekki er gist í tjöldum í Vatnaskógi!

Að vanda var fjölbreytt dagskrá, keppt var í knattspyrnu, ýmsum frjálsum íþróttum þar á meðal 1500m hlaupi og langstökki, þar sem slegið var nýtt Skógarmet.

Í íþróttasalnum voru blásnir upp hoppukastalar og brugðið á leik, einnig var Mr. Beast áskorun fyrir utan íþróttahúsið.

Um kvöldið gátu þeir sem vildu fylgst með leik Frakklands og Spánar og einnig var í boði ferðir á mótorbátnum undir stjórn bátaforingja.

Matseðilinn þriðjudaginn 14. júlí

Morgunmatur – heimabakað brauð og kakó

Hádegismatur – kjúklingaborgarar

Kaffi – heimabakaðar kökur

Kvöldmatur – pylsur

Kvöldkaffi – ávextir

Í dag er veisludagur, síðasti heili dagurinn í flokknum. Dagskránni í dag lýkur með veglegri kvöldvöku og verðlaunaafhendingu.

Brottför er á morgun, fimmtudaginn 16. júlí, rútan leggur af stað frá Vatnaskógi kl. 14 og því má ætla heimkomu á Holtaveg 28 milli kl. 15 og 15.30. Við biðjum um að þeir foreldrar sem sækja sína drengi hingað í Vatnaskógi séu komnir ekki seinna en 13:45.

Lúsmý:

Síðustu kvöld höfum við orðið var við lúsmý eins og oft áður og sumir drengjanna hafa verið bitnir. Við fylgjum vel með og bjóðum upp á kláðastillandi krem eða mildison. Viðbrögð við bitunum eru mismikil, sumir eru mikið bitnir en finna lítið sem ekkert fyrir bitunum meðan aðrir finna til mikils kláða og óþæginda. Í þeim tilfellum hafa ofnæmislyf gefist vel en þau slá á kláðann, við höfum alltaf samband við foreldra áður en lyf eru gefin. Okkar reynsla er einnig sú að bitin geta komið fram 1-2 dögum seinna og því geta bit og kláði blossað upp eftir að heim er komið.

Myndir frá flokknum má finna hér.

Kv. Þráinn Haraldsson, forstöðumaður 7. flokki