Veisludagur rann í hlað og fengu stelpurnar coco pops í morgunmat til að fagna því að vera orðnar Hlíðarmeyjar en þeim merka áfanga ná stelpur sem sofa þrjár nætur í röð í Vindáshlíð.
Veðrið var frábært og fóru stelpurnar í göngu að Brúðarslæðu og þar fengu þær að vaða. Það vakti mikla lukku. Eftir kaffi var vinagangur þar sem stelpurnar buðu upp á alls konar skemmtun í sínu herbergi og bænakonur og stelpur fengu að kíkja í heimsókn. Dæmi um það sem var í boði var naglalökkun, hárgreiðsla, axlanudd og svo var ein stöð þar sem verið var að kenna sænsk orð.
Í kvöldmat var pizza og búið var að skreyta salinn og var mikið stuð hjá stelpunum. Þær fengu viðurkenningar fyrir keppnir sem þær tóku þátt í og svo var krýnd íþróttadrottning. Veislukvöldvakan var bráðskemmtileg og nú stigu foringjar á svið og léku alls konar leikrit.
Stelpurnar fóru glaðar að sofa eftir langan en góðan dag.
Á morgun er brottfarardagur og þá höldum við heim á leið eftir frábæra dvöl í Vindáshlíð.
Kærar kveðjur Ásta og Pálína
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
