Dagurinn í dag var ansi góður, veðrið lék við okkur og meira að segja sólin lét aðeins sjá sig.
Fyrir hádegi var brennó, íþróttakeppnir og vinabandagerð. Margar stúlknanna eyddu tímanum úti í skógi í góða veðrinu. Í hádegismatinn var dýrindis kjúklingasúpa með snakki og osti og tóku flestar stelpurnar vel til matar síns sem var eins gott því eftir hádegismat fóru þær í göngu niður að réttum. Þar fóru þær í skemmtilega leiki og meðal annars leik þar sem þeim er smalað í dilka. Sá leikur vakti mikla lukku hjá stelpunum.
Það var lasagne í kvöldmatinn og kvöldvakan var á sínum stað með söng, leikritum og almennri gleði.
Stelpurnar fóru þreyttar að sofa eftir langan en góðan dag.
Hér er linkur fyrir myndir úr flokknum : https://www.flickr.com/photos/kfum-kfuk-island/collections/72157629303373157
kær kveðja Ásta og Pálína
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
