Stelpurnar vöknuðu hressar og kátar í morgun. Nánast allar voru vaknaðar áður en þær voru vaktar – svo spenntar fyrir deginum. Þær tóku hraustlega til matar síns í morgunmatnum, hylltu fánann með glæsibrag og skelltu sér svo niður í biblíulestur. Þar sköpuðust góðar umræður um virðingu og hvernig á að koma fallega fram við alla eftir að hafa heyrt söguna um miskunnsama Samverjann. Í hádeginu var kjúklingaborgari og eftir þá máltíð fóru allar út í íþróttahús í Vindáshlíð’s Next Top Model leik þar sem þær hönnuðu kjóla úr ruslapokum og svo var haldin tískusýning. Eftir að allar stelpurnar voru háttaðar voru foringjarnir búnir að henda sér í náttföt, mála sig í framan og setja klósettpappír í hárið og það þýðir bara eitt! NÁTTFATAPARTÝ! Þá var dansað uppi á borðum og farið í leiki og svo fengu allar stelpurnar ís. Góður dagur að baki.
Kær kveðja Ásta og Pálína
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
