Í gær vöknuðu stelpurnar snemma og tilbúnar í daginn. Eftir morgunmat var farið út í fánahyllingu og við sungum fánasönginn okkar. Á biblíulestrinum sungum við og lærðum að fletta upp í nýja testamentinu, og síðan var haldið út í daglegu brennó keppnina. Eftir hádegismat var hæfileikakeppni þar sem margar tóku þátt með fjölbreytt atriði og það var mjög mikið fjör. Í kaffitímanum fengu þær skinkuhorn og köku en síðan fengu þær að fara í heita pottinn okkar. Hvert herbergi fékk sinn tíma og á meðan voru foringjar með tónlist úti og við dönsuðum þrátt fyrir smá rigningu af og til. Á kvöldvökunni var annað herbergi sem sá um skemmtiatriðin og síðan var óvænt foringjaleikrit sem endaði með náttfatapartýi, en það var algert æði með dansi og sögu með íspinna.
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
