Hólavatn er innarlega í Eyjafirði í fallegu og spennandi umhverfi.
Dagskráin á Hólavatni er fjölbreytt og skemmtileg og á hverju kvöldi er fjörug kvöldvaka þar sem allir fá að taka virkan þátt. Börnin dvelja í rúmgóðum og nýlegum 6–8 manna herbergjum og öll aðstaða innandyra er björt og snyrtileg. Einkunnarorð Hólavatns eru ró í hjarta og gleði í sál og lögð er áhersla á vináttu, sköpunargleði og traust. Í hverjum flokki dvelja 34 börn.
Sumarbúðastarf KFUM og KFUK á Hólavatni hófst árið 1965.
Við bjóðum upp á fjölbreytta og skemmtilega viðburði yfir árið sem eru jafnframt mikilvæg fjáröflun fyrir okkar starf.
Á vorin og haustin fara Hollvinir Hólavatns gjarnan vinnuferðir til að sinna viðhaldi, grisjun og huga að staðnum fyrir upphaf starfs eða til að undirbúa veturinn. Oft er hægt að gista á staðnum og jafnvel taka fjölskylduna með og eiga góðar stundir milli þess sem við vinnum. Finnið endilega „Hollvinir Hólavatns“ á facebook.
Árlega kaffisalan okkar er að jafnaði þriðja sunnudag í ágúst hér á Hólavatni. Húsið er opið fyrir alla sem vilja koma í heimsókn til okkar. Þetta er frábært tækifæri fyrir krakkana sem koma í sumarbúðirnar að koma með foreldra sína og kynnast staðnum betur.
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
