Í gær var sannkallaður ævintýradagur í Gauraflokknum! Strákarnir fengu að fara í spennandi ferðir á mótorbátnum og mikill fögnuður braust út þegar fyrsti fiskur sumarsins beit á agnið.
Síðar um daginn héldum við í ævintýraferð um skóginn þar sem strákarnir unnu saman að því að komast rétta leið og uppgötvuðu ýmislegt forvitnilegt í náttúrunni. Ferðinni lauk við varðeld þar sem þeir grilluðu sykurpúða og nutu samverunnar.
Kvöldvakan var ekki síður eftirminnileg – þá stigu strákarnir á svið og fluttu frábært leikrit sem fékk mikið lof og hlátur frá áhorfendum.
Við vonum að allir séu að skemmta sér konunglega – stemningin er góð og hópurinn að tengjast!
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
