Dagurinn byrjaði snemma hér í Ölveri í dag en stelpurnar voru byrjaðar að týnast fram um kl.7:30 og perluðu og lituðu í rólegheitum þar til herbergisfélagarnir vöknuðu.
Eftir morgunmatinn, fánahyllingu og Biblíulestur byrjaði Brennó-keppnin úti á fótboltavelli. Veðrið er milt og gott en smá blautt eftir rigningu seint í gær og nótt.
Eftir hádegismatinn var farið í Top model-leikinn en þar var hvert herbergi að búa til „fatnað“ á eina þeirra sem sýndi. Fötin voru búin til úr ruslapoka, kaffipoka og þannig efnivið. Mikill metnaður var hjá öllum herbergjum.
Í kaffitímanum voru nýbökuð skinkuhorn og skúffukaka og svo var farið í pottinn.
Það er alltaf frjáls tími á milli dagskráliða og þá eru stelpurnar að gera það sem þeim langar til og halda áfram að kynnast hvor annarri.
Í kvöldmatinn var hakk og spagettí og núna eru þær allar á kvöldvökunni.
Það er búið að vera frábært að vera með stelpunum ykkar síðustu tvo daga og við hlökkum til næstu daga!
Kær kveðja,
Bára
KFUM og KFUK er kristileg æskulýðshreyfing sem hefur það að markmiði að stuðla að heilbrigði einstaklingsins til líkama sálar og anda.
Holtavegi 28
104 Reykjavík
Ísland
Kt: 690169-0889
