Hetjan ÉG

Nýtt og vandað námskeið fyrir stráka í 5. og 6. bekk á vegum KFUM og KFUK í Lindakirkju hefst 11. mars

KFUM í samstarfi við Lindakirkju fer nú af stað með spennandi námskeið fyrir stráka í 5. og 6.bekk. Markmið námskeiðsins er að miðla markmiðasetningu, félagsfærni og jákvæðri sjálfsmynd. Einnig verður farið yfir mikilvægi þess að taka ábyrgð, hrósa og þora að takast á við áskoranir.

Námskeiðið verður í Lindakirkju á mánudögum frá 16:30-18:00 og samanstendur af 6 samverum auk sólarhringsferðar í Vatnaskóg.

Fyrsta samveran verður mánudaginn 11. mars kl. 16:30-18:00 og svo vikulega í 6 vikur en ferðin í Vatnaskóg verður tæpur sólarhringur frá föstudeginum 5. apríl til laugardagsins 6. apríl

Hver samvera hefst á því að drengirnir setjast niður og fá sér hressingu saman áður en farið er í leiki og skapandi verkefni. En markmiðum námskeiðsins verður náð fram með fjölbreyttum og skemmtilegum leikjum, kjarnasögum vestrænnar menningar, leiklist og samvinnuverkefnum. Námskeiðið er sett saman af þverfaglegum hópi með mikla reynslu úr barna og æskulýðsstarfi í hópnum eru félagsráðgjafar, prestur, tómsstundafræðingur, íþróttafræðingur og nemi á menntavísindasviði.

Sr. Guðni Már Harðarson og Gunnar Hrafn Sveinsson nemi á menntavísindasviði HÍ leiða námskeiðið og fá til sín skemmtilega gesti á ólíkar samverur.

Þátttakendur á námskeiðinu geta minnst verið 8 og mest 18.
Verð á námskeiðið er 15.000 krónur og fer skráning fram á https://sumarfjor.is/Event.aspx?id=16 (veljið námskeiðið Hetjan ÉG)